21/9/16

Misterios

A nosa nova montaxe infantil "Misterios" terá como protagonistas a Silvia Casal, Leandro Lamas, María López e Lorena Montero. Recordarvos que a estrea será o Domingo día 9 de Outubro. Xa non queda nada...


14/9/16

Circuito Teatro Amador Narón

Esta fin de semana comeza o Ciclo de teatro amador de Narón e a programación do ciclo é a seguinte:
  • Domingo, 18 de setembro: Nova Escena Teatro coa obra "A Apócema"
  • Domingo, 2 de outubro: Tiruleque Teatro coa obra "Media de callos"
  • Domingo, 9 de outubro: O aturuxo de Melpómene coa obra "Misterios" ESTREA
  • Mércores, 12 de outubro.Porta aberta Teatro coa obra "A casa do senador"
  • Domingo, 16 de outubro O aturuxo de Melpómene coa obra "Terapia de bar" ESTREA


Todas as representacións serán ás 20 horas no Auditorio Municipal de Narón, na Praza de Galicia.
A entrada é de balde e entregaráse aos asistentes un agasallo conmemorativo do ciclo e unha rifa para o sorteo de dúas entradas para un espectáculo no Pazo da Cultura na temporada 2016-2017. O sorteo será o último día do ciclo. Vir o teatro e compartan!!!

13/9/16

Terapia de bar



A nosa nova obra "Terapia de bar"  e unha comedia de creación colectiva  dirixida por Jose Prieto.

SINOPSE :

TERAPIA DE BAR é unha comedia de terror, vicios e manías.
O bar “Da costa” non está na costa.  É un bar perdido no medio do monte, lonxe de calquera sitio, onde rara vez para ninguén e cando o fai, non volve nunca máis .
A propietaria do bar e os seus dous únicos clientes habituais, movidos polo aburrimento e tamén polo seu desequilibrio psíquico,  deciden converterse en salvadores da humanidade e elaboran un plan para eliminar do mundo os vicios que segundo eles son  os culpables de todos os males do ser humano: o xogo (Aínda que sexa a brisca), os avances tecnolóxicos (Aínda que só sexa unha chamada polo móbil) e a ambición desmesurada  polo diñeiro (Aínda que  o único síntoma sexa non deixar a propina axeitada.)
Cada cliente que teña a mala sorte de entrar no bar “Da costa” comprobará nas súas propias carnes as terribles terapias que lles aplicaran os “salvadores” para liberalos dos seus vicios: acupuntura con coitelos de matar porcos, hipnose a base de facerlle inxerir ó paciente varias caixas de pastillas para durmir, ou exorcismos  con litros de licor café  que introducen no “vicioso” para sacarlle o demo do corpo.
Cada terapia elimina efectivamente cada vicio, aínda que  con pequenos danos colaterais: tamén  pode eliminar ó paciente.
TERAPIA de bar non é “A matanza de Texas”, pero coidado, tampouco é “La casa de la Pradera”. Se se atreven, visiten o “Bar Da Costa”.

12/9/16

Misterios


A nosa nova obra "Misterios"  escrita e dirixida por Paula Carballeira e unha obra infantil para publico apartir dos 6 anos. 

SINOPSE :


É difícil atopar respostas para as grandes preguntas, e iso que o intentamos, con todas as nosas forzas, sobre todo mentres somos nenos ou nenas como Mara, a protagonista desa peza de teatro. Hai días nos que parece que os misterios están por todas partes: na túa casa, na da veciña, na rúa, no galiñeiro... e non hai nada máis emocionante, nin máis divertido, que resolvelos.

9/9/16

Avance funcións

Xa imos tendo as primeiras fechas para as funcions de "Terapia de bar" e "Misterios", son as seguintes :

Terapia de bar 

- 16 de outubro ESTREA no Auditorio de Narón (Narón)
- 29 de outubro en Sta. Icía (Ferrol)

Misterios

- 9 de outubro ESTREA no Auditorio de Narón (Narón)
- 29 de outubro  en Ames-Milladoiro
- 27 de novembro en A Pobra do Caramiñal
 
Tamén queremos avanzar o cartel do ciclo que organiza Max Teatro e no que estaremos con Terapia de bar.